Kuji anjaop arao lagi kakito ataw karumpak SAJAK-SAJAK yo nengal gama esoi-esoi gala senalom tuntut Sang Jati. Senalom tuntut lain arao suang kuji kakito mok internet ti, uno lagi kuo yo tanulis selalom buk-buk banca lain.
Sajak ti memang anjaop pa suang jalama baminat mambaca karna kadang-kadang sulit ni ntuk paham rati ataw maksut kuo yo kanarang gama panulis eno. Lain hal ao kalaw jati mambaca PANTUN. Pantun sanang jati paham uno mesej ao. Ntuk pantun apat baris, baris yo duo partama eno arao no pambayang maksut, yo duo baris sariba sabagai panyabaoi maksut ao. Tatapi hal ti andi samao selalom SAJAK. Satiap baris ao eno arao no panyabaoi maksud sengaye.
SAJAK MELAYU TIKUS
Senalom taun 1971 tagulu samasa kuji balajar mok pagun Singapura arao kuji parna naya nikot ngarangow jalama ngendeklamasikan sajak kuo yo nengal ero sandiri. Arao sanginan panyajak (ah kamuan ku ngaran ao) mambaca sajak diso yo kuji raso paling muda agaon nulis karna eyo sengaye ao 13 umi tuntut , eno pun samo gala katab ao. Tajuk sajak ao "Tikus" ataw "Lawow" kain tuntut Sang Jati:
TIKUS
Tikus.
Tikus.
Tikus.
Tikus. Tikus
Tikus. Tikus. Tikus.
Tikus. Tikus. Tikus. Tikus.
Tikus!
Ayu rupa sajak eno muda entangan matao tapi kalaw agaon jati mbaca, lain jalama lain katab ao. Jadi lain ni jadi mesej ao. Karna irama, takanan nada suara, ya lain-lain ao baparanan mambantuk makna dambao-dambao sajak eno.
Nyugut sarita panulis eno sandiri sajak eno kanarang ao samasa eyo suat kurung senalom panjara sawaktu Jipun bakuasa mok Pulau Singapura tagulu. Senalom taun-taun 1942 - 1945 mungkin ni.
Adaw-adaw eyo makito lawow basimbul manaw li sino li siti senalom kawasan panjara alan diso suat abaong eno. Suang jalama suat kurung miso ya diso dino. Anjop arao lain kan yalan jadi kanarang ao la sajak ti kuma. Sajak "TIKUS ". Sajak "LAWOW".
Walau pun sangaye pakataan ao miso tapi cara bacaan ao andi samo. Panyajak ngembaca diso sacara panu penghayatan. Kalaw jati ngajop matao ngarangow tantu jati buli ngabayang uno banaca ao eno.
Mesej sajak ti eyo nao tantang sarita kesesaan jalama suat kurung senalom jel waktu Jipun tagulu. Jel ao kama, andi pandai bagu. Suang lawow sino siti. Arao lawow manaw pelan-pelan tamalib, arao simbul-simbul midu. Arao ni lawow eno temun tad sawat sampayan ataw tabungan. Manino la kisa lawow ya jalama suat kurung senalom panjara Jipun.
SAJAK SANG JATI
Ti arao SAJAK yo arao mesej sanang jati ngarati:
__________________________________
EKOW MALAP
Sakiro
Ekow Pasaya Ekow Malap, malap la no.
Sakiro
ekow pikir ekow suat ala – suat ala la ekow no.
Sakiro
ekow pikir ekow andi seow – andi la ekow no.
Sakiro ekow mau manang tapi
pikir ekow andi kalap manang,
Tantu la pasti no ekow andi malap manang.
Sakiro ekow pikir ekow kan gagal – gagal suda la ekow no.
Karna senalom dunya ti jati nakakito
Karna senalom dunya ti jati nakakito
Kajayaan no bamulo ya kamahwan kawan-kawan;
Sengaye no selalom otoak fikiran.
Sengaye no selalom otoak fikiran.
Pajuangan eyaw andi salalu bapihak
Li jalama yo labi kuat atau labi pantas;
Tapi lambat laun ataw turi o jalama yo manang no
Eyo no esoi yo bapikir eyo malap.
Tapi lambat laun ataw turi o jalama yo manang no
Eyo no esoi yo bapikir eyo malap.
Tulisan asal gama: Anonymous
_______________________________________
Mesej karangan sawat ti kuma eyo no:
1. Adaong jati lampaw-lampaw ngarangow uno katab tuntut jalama lain sapaya andi kasuat pangaruu kuo yo andi mancoi ataw negatif.
2. Pasaya (yakin) la selalom gena sandiri yo jati malap bajaya ngal uno gala. Jati masti la bapikir positif.
Nota:
Sajak sawat eno kanarang gama Anonymous selalom tuntut Ramputi (English) macam sariba ti.
1. Adaong jati lampaw-lampaw ngarangow uno katab tuntut jalama lain sapaya andi kasuat pangaruu kuo yo andi mancoi ataw negatif.
2. Pasaya (yakin) la selalom gena sandiri yo jati malap bajaya ngal uno gala. Jati masti la bapikir positif.
Nota:
Sajak sawat eno kanarang gama Anonymous selalom tuntut Ramputi (English) macam sariba ti.
YOU CAN
If You Believe You Can, You Can
If you think you are beaten--you are.
If you think you dare not--you don't.
If you want to win but think you can't,
It is almost a cinch you won't.
If you think you'll lose--you've lost.
For out in the world we find
That success begins with a fellow's will;
It's all in the state of mind.
Life's battles don't always go
To the stronger or faster man;
But sooner or later the man who wins
Is the one who thinks he can.
If you think you are beaten--you are.
If you think you dare not--you don't.
If you want to win but think you can't,
It is almost a cinch you won't.
If you think you'll lose--you've lost.
For out in the world we find
That success begins with a fellow's will;
It's all in the state of mind.
Life's battles don't always go
To the stronger or faster man;
But sooner or later the man who wins
Is the one who thinks he can.
By Anonymous
